Ráðin mannauðsstjóri hjá Suðurnesjabæ

Sandra Kristín Jónsdóttir hefur verið ráðin í starf mannauðsstjóra hjá Suðurnesjabæ.

Sandra Kristín er með B.Sc. gráðu í viðskiptafræði frá Háskólanum á Bifröst ásamt M.Sc. gráðu í mannauðsstjórnun frá Háskóla Íslands.

Sandra Kristín hefur starfað sem mannauðsráðgjafi og teymisstjóri mannauðsmála hjá Hafnarfjarðarbæ. Einnig starfaði hún áður sem mannauðsstjóri og aðstoðar mannauðsstjóri hjá IKEA á Íslandi.

Sandra Kristín hefur komið að skipulagi þróunar- og stefnumótunarvinnu mannauðsmála, borið ábyrgð á ráðningarferli og nýliðaþjálfun, verið verkefnastjóri jafnlaunavottunar, haft umsjón og eftirlit á samræmdri framkvæmd starfsmannastefnu ásamt því að hafa góða þekkingu á kjarasamningum og opinberri stjórnsýslu.