Pólstjörnudómurinn nægði

Karlmaður, búsettur í Sandgerði var í dag dæmdur fyrir ýmis minniháttar afbrot sem hann framdi á síðasta ári.

Héraðsdómur Reykjaness fann hann sekan um þrjú umferðarlagabrot, nytjastuld og brot á fíkniefnalögum þar sem lítilræði af kókaíni fannst á honum á skemmtistað í Reykjavík.

Hann hefur hlotið fjölmarga dóma frá árinu 2002, en var ekki gerð sérstök refsing vegna þessara brota þar sem hann var fyrr í þessum mánuði dæmdur í sjö og hálfs árs fangelsi fyrir aðild sína að Pólstjörnumálinu svokallaða þar sem til raun var gerð til að smygla miklu magni fíkniefna til landsins í skútu.

Honum var engu að síður gert að greiða málvarnarlaun að upphæð 70 þúsund kr.