PLOTTAÐ Í LEIFSSTOÐ?

Samkvæmt heimildum VF höfðu engar umsóknir í starf forstjóra Leifsstöðvar, borist fyrir helgi en eins og kunnugt er var Ómar Kristjánsson ráðinn forstjóri til eins árs í fyrra við litla hrifningu margra. Athygli hefur vakið þensla á batteríinu en á skrifstofu hans eru nú komnir fjórir starfsmenn til viðbótar við Ómar, á einu ári, en þessi starfsemi var áður undir embætti flugvallarstjóra. Það embætti er ennþá til staðar og að mati kunnugra hefði hæglega og á mun ódýrari máta verið hægt að koma fyrir um sýslu hins nýja verslunarreksturs í stöðinni sem Ómar sér aðallega um, á skrifstofu flugvallarstjóra. Ástæðan fyrir því að engar umsóknir hafi borist í starf forstjóra Leifsstöðvar mun vera augljós; auglýsingin er bara sýndarmennska og Ómar fær skipun til 5 ára segja kunnugir málinu. Þetta sjái þeir sem vilji sjá. Sem sagt; pólitískt plott af bestu gerð...