Peningastefnunefnd Seðlabankans til Suðurnesja

Peningastefnunefnd Seðlabanka Íslands fundaði á Suðurnesjum sl. föstudag. Þetta er fyrsti fundur nefndarinnar utan Seðlabankans, en nefndin hóf fyrst störf árið 2009.

Nefndin hélt fund á Northern Light Inn fyrir hádegi sl. föstudag en eftir hádegið var rætt við fulltrúa Reykjanesbæjar og Grindavíkur, farið í skoðunarferðir um bæina, og fyrirtæki og stofnanir heimsóttar.

Tilgangur þess að peningastefnunefnd er að funda með þessu móti er meðal annars að kynna sér sjónarmið heimafólks bæði í atvinnulífi og opinberri starfsemi, en upplýsingar af þessu tagi nýtast peningastefnunefndinni við ákvörðunartöku.

Meðfylgjandi mynd var tekin þegar nefndin heimsótti höfuðstöðvar Reykjanesbæjar. Á myndinni er Seðalabankafólkið ásamt Hirti Zakaríassyni, staðgengli bæjarstjóra Reykjanesbæjar.