Óveður á Reykjanesbraut og Grindavíkurvegi
Byrjað er að hvessa á suðvesturhorni landsins og komið óveður á Reykjanesbraut, Grindavíkurvegi, á Kjalarnesi og undir Eyjafjöllum, samkvæmt upplýsingum frá Vegagerðinni.
Hviður verða 35-45 m/s á utanverðu Kjalarnesi og Hafnarfjalli og eins varhugaverður vindur á Reykjanesbrautinni. Lægir heldur í skamma stund síðdegis áður en skellur á með SV-átt, fyrst á Suðurnesjum. Í kvöld og framan af nóttu verður sums staðar ofsaveður, meðalvindur allt að 25-30 m/s, sérstaklega um landið norðvestanvert og á annesjum norðanlands undir miðnætti.
