Óskað eftir tilnefningum um Ljósahús Reykjanesbæjar

Að venju er óskað eftir tilnefningum um fallega skreytt hús og götur í bænum en hægt er að senda tilnefningar á [email protected] eða hringja þær inn til þjónustuvers Reykjanesbæjar í síma 421 6700.

Reykjanesbær er þegar orðinn þekktur fyrir miklar jólaskreytingar og hafa tilnefnd hús verið merkt inn á götukort sem er aðgengilegt á jólavef Reykjanesbæjar: reykjanesbaer.is/jol. Því er hægt að fara sérstakan ljósarúnt um Reykjanesbæ en það hafa margir nýtt sér á aðventu m.a. hefur hingað komið fjöldi gesta frá félagsmiðstöðvum eldri borgara af höfuðborgarsvæðinu.

HS veitur afhendir gjafabréf fyrir orkunotkun þeirra sem hljóta 1. - 3. sæti að upphæð 15.000, 20.000 og 30.000 kr.