Opna nýtt Saga Lounge í vor
- Flytja á annan stað meðan á framkvæmdum stendur
Nýtt og glæsilegt Saga Lounge verður opnað nú í vor á nýjum stað á efstu hæð flugstöðvar Leifs Eiríkssonar. Í tilkynningu frá Icelandair segir að þar muni fara saman falleg norræn hönnun innblásin af íslenskri náttúru og menningu, ljúffengur matur, þægindi, notalegheit og frábært útsýni alla leið til Snæfellsjökuls.
Á meðan á framkvæmdum stendur yfir, frá 15. janúar, verður Saga Lounge tímabundið á öðrum stað í flugstöðinni.
