Opinn fundur um einkavæðingu Símans

Opinn fundur um einkavæðingu Landssíma Íslands hf. verður haldinn á Flughótelinu í Keflavík í kvöld kl. 20.
Á fundinn koma fulltrúar frá Símanum, samgönguráðuneyti og framkvæmdanefnd um einkavæðingu til að ræða sölu hlutafjár ríkisins í Símanum og sitja fyrir svörum um áhrif einkavæðingarinnar. Ennfremur munu yfirmenn Símans á Suðurnesjum svara fyrirspurnum.
Meðal annars verður rætt um jöfnun aðgangs landsmanna að fjarskiptaþjónustu og áhrif tækniþróunar á kostnað við gagnaflutninga. Framtíðarsýn Símans verður kynnt og ennfremur rætt um fyrirkomulag hlutabréfasölunnar. Fundarstjóri verður Böðvar Jónsson, bæjarfulltrúi.