Opinn fundur fjármálaráðherra á fimmtudaginn

Oddný G Harðardóttir, fjármálaráðherra, og Magnús Orri Schram, formaður þingflokks Samfylkingarinnar, halda opinn fund á Ránni um atvinnu- og efnahagsmál fimmtudaginn 9. febrúar kl. 20.00.

Fundurinn er liður í fundaferðþingflokks Samfylkingarinnar um allt land sem hófst með fjölsóttum fundi fjármálaráðherra á Selfossi á laugardaginn var en alls eru haldnir 18 opnir fundir um allt land þessa vikuna undir yfirskriftinni „Klárum málin“. Atvinnu- og efnahagsmál eru meginefni fundaferðarinnar og byggja þingmenn m.a. á afrakstri flokkstjórnarfundar Samfylkingarinnar 28. janúar s.l. þar sem þar sem ydduð voru helstu forgangsverkefni næstu mánaða í atvinnu- og efnahagsmálum grundvölluðum á stefnu flokksins samþykktri á landsfundinum í október.

Þingflokkur Samfylkingarinnar hefur til þessa haldið 66 opna fundi á kjörtímabilinu en aldrei heimsótt fleiri staði í einni fundaferð. Þingmennirnir munu auk þess nýta hléið frá þingstörfum í næstu viku til þess að heimsækja fyrirtæki og stofnanir um allt land.

Fundurinn er öllum opinn og hefst kl. 20.00 á Ránni á fimmtudaginn.