Opið hús í Lækningalind Bláa lónsins

Opið hús verður í Bláa Lóninu Lækningalind í tilefni af Alheimsdegi Psoriasis þriðjudaginn 29. október frá kl. 13.00 -20.00.

Fulltrúi Psoriasis Samtakanna á Íslandi verður á staðnum frá kl. 13.00 – 16. 00 og veitir upplýsingar um starfsemi samtakanna.

Esther Hjálmarsdóttir, hjúkrunfræðingur Bláa Lónsins, mun veita upplýsingar um Bláa Lóns psoriasis meðferðina. Gestum gefst kostur á að prófa meðferðina sér að kostnaðarlausu.

Einnig verður kynning á Blue Lagoon húðvörum, en þær eru mikilvægur hluti af Bláa Lóns psoriasis meðferðinni.


Læsi á eigin líðan – fyrirlestur og Pílates æfingar
Pílates æfingar undir leiðsögn Bjargeyjar Aðalsteinsdóttur verða í boði kl. 16. 30. Í framhaldi af  æfingunum mun Bjargey flytja erindi sem kallast Læsi á eigin líða. Í erindinu mun hún fjalla um það sem við getum gert til að bæta heilsuna og auka vellíðan.  Farið verður yfir mikilvægi þess að læra inn á og lesa betur í eigin líðan og þjálfa okkur að bregðast við aðstæðum samkvæmt því.
 
Hún mun einnig fjalla um mikilvægi þess að þekkja sjálfa sig og þau ólíku hlutverk sem við tökumst á við á degi hverjum.  Bjargey mun einnig fjalla um það hvernig við getum aukið hamingjuhórmón í líkamanum sem láta okkur líða betur.

Léttar veitingar verða í boði, segir í tilkynningu frá Bláa lóninu.