Ömmur lesa fyrir börnin í grunnskólum Reykjanesbæjar

Í byrjun október leitaði félag eldri borgara á Suðurnesjum eftir samstarfi við grunnskóla Reykjanesbæjar. Ýmsar..

Í byrjun október leitaði félag eldri borgara á Suðurnesjum eftir samstarfi við grunnskóla Reykjanesbæjar. Ýmsar hugmyndir komu fram hvernig hægt væri að haga því samstarfi og eru nokkrar þeirra komnar í framkvæmd. Tengiliður Njarðvíkurskóla við félag eldri borgara er Erna Agnarsdóttir. 

Lestrarömmurnar Erna Agnarsdóttir og Ása Lúðvíksdóttir eru farnar að mæta í skólann og aðstoða nemendur við að lesa og einnig fyrrum kennarar skólans þær Guðrún Jónsdóttir og Guðríður Helgadóttir. Sigrún Valdimarsdóttir, fyrrverandi starfsmaður í Njarðvíkurskóla kom og aðstoðaði í textíl við prjón auk þess sem hún var gestadómari í kökukeppni unglinga og von er á fleiri góðum gestum til okkar.  

Á Degi íslenskrar tungu komu fulltrúar eldri borgara og lásu ljóð fyrir nemendur, Eyjólfur Eysteinsson formaður eldri borgara las fyrir yngri  nemendur og Guðbjörg Böðvarsdóttir las fyrir eldri nemendur. Samstarfið hefur gengið mjög vel og vakið ánægju bæði hjá nemendum og meðal eldri borgara.