Ölvaður ökumaður reyndi að stinga lögreglu af

Lögreglan í Keflavík reyndi að stöðva ökumann á Reykjanesbraut í nótt en hann hafði verið mældur á 132 km hraða á klukkustund. Hann sinnti ekki stöðvunarmerkjum og ók áfram vestur Reykjanesbraut. Skammt vestan við Grindavíkurafleggjara var önnnur lögreglubifreið sem mældi hraða bifreiðarinnar. Var hann þá komin í rúmlega 140 km/klst. Ökumaður jók enn hraðann en náðist loks á Aðalgötu í Keflavík. Lögreglan þurfti að færa hann í handjárn vegna óláta og flytja á lögreglustöð en maðurinn var ölvaður.