Ökuréttindalaus í hraðakstri

Rúmlega þrítugur ökumaður, sem mældist um helgina á 121 km hraða á Reykjanesbraut þar sem hámarkshraði er 90 km á klukkustund, reyndist einungis hafa réttindi til að aka bifhjóli þegar lögreglan á Suðurnesjum bað hann um ökuskírteini.

Átta ökumenn til viðbótar voru kærðir fyrir hraðakstur, þar af einn sem ók á 137 km hraða eftir Reykjanesbrautinni þar sem hámarkshraði er 90 km. Þá voru höfð afskipti af einum ökumanni vegna gruns um að hann væri ölvaður undir stýri.