Ökuníðingur stöðvaður eftir eftir að hafa mælst á 173 km hraða

Ökumaður bifreiðar var umsvifalaust sviptur ökuleyfi nótt eftir að lögreglumenn frá embættinu í Keflavík og Keflavíkurflugvelli höfðu stöðvað hann vegna ofsaaksturs á Reykjanesbraut á öðrum tímanum. Var ökufanturinn mældur á 173 km hraða þar sem hámarkshraði er 90 km.

Ökunfanturinn hafði ekki sinnt stöðvunarmerkjum og upphófst eftirför lögreglu sem lauk ekki fyrr en komið var inn í Njarðvík og hafði ökufanturinn þá ekið af miklum glannaskap um götur bæjarins.  Tókst lögreglunni að stöðva för mannsins, sem var umsvifalaust handtekinn og færður á lögreglustöð, þar sem hann var sviptur ökuleyfi á staðnum.
Eftir skýrslutöku var ökufanturinn frjáls ferða sinna og yfirgaf hann lögreglustöðina á tveimur jafnfljótum.