Ökumaður sem ók á dreng ófundinn

Lögreglu hefur enn ekki tekist að hafa upp á bifreið sem ekið var á fjögurra ára dreng á gatnamótum Vesturgötu og Birkiteigs í Keflavík síðdegis í gær. Ökumaðurinn ók af vettvangi en bifreiðin er dökkur skutbíll.

Drengurinn er alvarlega slasaður og er haldið sofandi í öndunarvél. Lögreglan hvetur alla þá sem hafa einhverja vitneskju um málið að hafa samband.