Ökuleyfissvipting og 130.000 króna sekt fyrir hraðakstur

Lögreglan á Suðurnesjum kærði nokkra ökumenn fyrir of hraðan akstur í vikunni. Sá sem hraðast ók mældist á 146 km hraða á Reykjanesbraut þar sem hámarkshraði er 90 km á klukkustund. Viðurlög við umferðarlagabrotinu eru 130.000 króna sekt, svipting ökuleyfis í einn mánuð og þrír refsipunktar í ökuferilsskrá.

Þá voru höfð afskipti af fáeinum ökumönnum vegna gruns um vímuefnaakstur. Einn þeirra reyndist, auk vímuefnaakstursins, vera með fíkniefni í fórum sínum.