Óku alltof hratt og tapa tugum þúsunda króna

Tveir ökumenn teknir fyrir of hraðan akstur í umdæmi lögreglunnar á Suðurnesjum. Sá fyrri var tekinn á Garðveginum við Mánagrund.  Hann mældist á 113 km/klst. þar sem leyfður hámarkshraði er 90 km/klst. Hann fær 50.000 króna sekt og einn punkt í ökuferilsskrá.  Seinni ökumaðurinn var tekinn á Reykjanesbrautinni en hann mældist á 96 km/klst. þar sem hámarkshraði er 70 km/klst. Hann fær 40.000 króna sekt fyrir vikið og einn punkt í ökuferilsskrá

Þá voru þrír ökumenn kærðir fyrir að nota ekki öryggisbelti við akstur í Reykjanesbæ og einn fyrir að virða ekki stöðvunarskyldu.

Í gærkvöldi voru þrír ökumenn kærðir fyrir of hraðan akstur á Reykjanesbraut. Sá er hraðast ók mældist á 117 km/klst þar sem hámarkshraði er 90 km/klst. Sá sem hraðast ók verður sektaður um 50.000 krónur, auk þess að fá punkt í ökuferilsskrá.

Tíu ökumenn voru áminntir þar sem ljósabúnaður ökutækja þeirra voru í ólagi.