Ókeypis molta fyrir bæjarbúa

Næstu vikur býðst íbúum í nærumhverfi Flugstöðvarinnar að sækja sér moltu við vöruhús Isavia í Grænás. Hægt er að nálgast moltuna alla virka daga milli klukkan 8:00-16:00. 

Moltan er úr lífrænum úrgangi m.a. frá Flugstöðinni og er unnin í samstarfi við Gámaþjónustuna. 
Vinsamlega athugið að moltan er kraftmikill jarðvegsbætir og því æskilegt að blanda henni við aðra mold eða þá dreifa henni í þunnu lagi yfir gras og í beð.  Forðist að láta moltuna liggja alveg upp við stöngla á trjám, segir í tilkynningu frá Isavia.