Ók ölvaður á stöðvunarskilti

Ekið var á stöðvunarskilti á gatnamótum í Grindavík um klukkan fjögur í nótt. Ökumaður sem grunaður er um ölvun við akstur missti stjórn á bifreið sinni með þeim afleiðingum að hún fór á skiltið sem brotnaði við áreksturinn. Olía lak úr bifreiðinni eftir áreksturinn og dreifðist um götuna. Ökumaður bifreiðarinnar hélt af vettvangi fótgangandi en náðist skömmu síðar.