Ók bifreið á fölskum númeraplötum

Í gærdag var ökumaður stöðvaður á Reykjanesbrautinni og við skoðun á bifreiðinni kom í ljós að númerin höfðu verði klippt af bifreiðinni af lögreglu og númeraplöturnar innlagðar hjá Frumherja vegna vangoldinna trygginga.  Ökumaðurinn hafði síðan orðið sér úti um aðrar plötur og sett á bifreiðina og haldið akstri áfram á bifreiðinni ótryggðri og óskráðri.
Þá voru tveir ökumenn kærðir fyrir of hraðan akstur á Víkurbraut í Grindavík.  Þeir mældust báðir á 64 km/klst. þar sem hámarkshraðinn er 50 km/klst.
Þá voru fjórir ökumenn kærðir fyrir of hraðan akstur á Reykjanesbrautinni.  Þeir mældust á 110, 114, 137 og 125 km/klst. þar sem hámarkshraðinn er 90 km/klst.