Ók á staur við Biðskýlið í Njarðvík
Var að forðast aftanákeyrslu.
Bifreið var ekið á staur við Biðskýlið í Njarðvík á þriðja tímanum. Að sögn ökumannsins var hann að forðast að aka aftan á bifreið sem var snarhemlað fyrir framan hann. Því tók hann þá ákvörðun að sveigja bifreið sinni upp á grasið hægra megin en tók ekki eftir staurnum sem þar stóð.
Töluverður viðbúnaður var hjá lögreglu og voru tveir sjúkrabílar sendir á staðinn. Lögreglumaður á vettvangi sagði viðbúnaðinn hafa verið svo mikinn vegna þess að tilkynningin sem þeim barst gaf tilefni til þess. Engin slys urðu á fólki og fór betur en á horfðist.
Töluverð hálka er víða og borgar sig að fara með gát.
Hjólförin að staurnum.
Staurinn sem bifreiðinni var ekið á.
