Ók á móti umferð á Reykjanesbraut og olli árekstri við Fitjar

Fólksbifreið var ekið á móti akstursstefnu á löngum kafla á Reykjanesbraut í dag. Vegfarandi sendi Víkurfréttum myndskeið sem sýnir bifreiðina þjóta á móti umferðinni á leið sinni í átt að Reykjanesbæ. Þegar bifreiðin nálgaðist Fitjar í Njarðvík varð ökumaður hennar valdur að umferðarslysi. Víkurfréttir hafa ekki upplýsingar um slys á fólki en sjúkrabifreiðar voru sendar á vettvang, auk lögreglu.