Ók á ljósastaur, grunaður um ölvun

Ökumaður fólksbifreiðar ók á ljósastaur og rafmagnskassa á Skagabraut í Garði um miðjan dag í gær. Hann sagðist hafa blindast vegna sólu sem var lágt á lfoti, en hann er grunaður um ölvun við akstur.

Annað umferðaróhapp varð í hringtorginu á mótum Hafnargötu og Flugvallarvegar þegar tvær bifreiðar rákust saman, en engin slys urðu á fólki og tjón á bílum minniháttar.

Í gær var einn ökumaður kærður fyrir of hraðan akstur í umdæminu.

Í tilkynningu frá lögreglu kemur fram að nokkuð hafi borið á lausagöngu hunda í bæjarfélögum á Suðurnesjum. Er því rétt að árétta að lausaganga hunda er með öllu bönnuð.