Ók á blómaker við Hafnargötu

Laust eftir hádegi í gær var bifreið ekið á blómaker og skilti á Hafnargötu til móts við Norðfjörðsgötu. Engin meiðsl urðu á fólki en bifreiðin var fjarlægð með dráttarbifreið þar sem nokkrar skemmdir urðu á henni sökum áreksturins.

Í gær fannst einnig bifreið sem stolið var í Reykjavík þann 17. júní s.l. fannst hún við Norðurgarðinn í Sandgerðishöfn. Í ljós kom að bifreiðin var talsvert skemmd. 

Einn ökumaður var tekinn ölvaður við akstur í Keflavík og reyndist hann einnig sviptur ökuleyfi ævilangt.

Skráningarnúmer voru tekin af fjórum bifreiðum vegna vanrækslu á að sinna boðunum lögreglu um að mæta með þær til skoðunar.