Ók á 159 km hraða
Fær 140 þúsunda sekt.
Ökumaður, sem ók Reykjanesbrautina um helgina, mældist á 159 kílómetra hraða þar sem hámarkshraði er 90 km. á klukkustund. Hans bíður 140 þúsund króna fjársekt, svipting ökuleyfis í tvo mánuði og þrír refsipunktar í ökuferilsskrá. Fleiri ökumenn voru kærðir fyrir hraðakstur en þeir fóru sér nokkru hægar heldur en sá ofangreindi.
Þá hafði lögreglan á Suðurnesjum afskipti af ökumanni sem ók bifreið sem hafði ekki verið færð til skoðunar á réttum tíma. Hún reyndist að auki ótryggð þannig að skráningarnúmer voru fjarlægð af henni. Þá voru allmargir ökumenn staðnir að því að virða ekki stöðvunarskyldu eða leggja ólöglega.
