Ók á 146 km hraða með stóra kerru í eftirdragi

Bifreið, sem ungur ökumaður ók nýverið í umdæmi lögreglunnar á Suðurnesjum, mældist á 146 kílómetra hraða þar sem hámarkshraði er 90 km. á klukkustund. Að auki var bifreiðin með stóra kerru í eftirdragi. Sektin við broti af þessu tagi nemur 168 þúsund krónum, þar sem bannað er að aka með kerru hraðar en á 80 km. á klukkustund. Þá verður ökumaðurinn sviptur ökuréttindum í tvo mánuði.