Óholl loftgæði í Svartsengi

Nú mælist mikil loftmengun í Svartsengi og eru loftgæði talin óholl. Mælistöðin er skilgreind rauð í augnablikinu, sem er versta ástand.

Á vef Umhverfisstofnunar, loftgæði.is, segir um loftgæðin í Svartsengi: Mikil loftmengun. Einstaklingar með alvarlega hjarta- og/eða lungasjúkdóma ættu að forðast að vera úti þar sem hætta er á mikilli mengun. Forðast ætti að vinna erfiðisvinnu eða að stunda líkamsrækt utandyra þar sem loftmengun er mikil.

Mælistöð fyrir Hafnir sýnir gult ástand á loftgæðum. Um það segir á loftgæði.is: Nokkur loftmengun. Mjög viðkvæmir einstaklingar og einstaklingar með astma eða aðra undirliggjandi lungna- og/eða hjartasjúkdóma geta fundið fyrir einkennum vegna aukins styrks loftmengunarefna í andrúmslofti.

Hér má sjá loftgæði í rauntíma.