Óhapp hjá Happa

Í síðustu viku var tilkynnt um vinnuslys hjá Happa, fiskverkun að Vatnsnesvegi 7. Fóru lögreglumenn og sjúkrabifreið á staðinn. Þarna hafði lyftara verið ekið yfir hægri rist á einum starfsmanni fyrirtækisins. Var hann fluttur á Heilbrigðisstofnun Suðurnesja til skoðunar. Rannsóknarlögregla og vinnueftirlit kallað á staðinn. Meðfylgjandi er dagbók lögreglunnar fyrir síðustu viku, eða frá mánudegi og fram á föstudaginn langa.Mánudagurinn 14. apríl 2003.

Kl. 08:54 var tilkynnt um innbrot í bát í Njarðvíkurhöfn. Þarna hafði verið farið inn í Hvalbak GK- með því að spenna frá hespu á hurð. Stolið hafði verið staðsetningartæki af gerðinni Garmin 220.
Kl. 09:29 var tilkynnt um vinnuslys hjá Happa, fiskverkun að Vatnsnesvegi 7. Fór u lögreglum. og sjúkrabifreið á staðinn. Þarna hafði lyftara verið ekið yfir hægri rist á einum starfsmanni fyrirtækisins. Var hann fluttur á Heilbrigðisstofnun Suðurnesja til skoðunar. Rannsóknarlögregla og vinnueftirlit kallað á staðinn.
Á kvöldvaktinni var einn ökumaður kærður fyrir hraðakstur á Reykjanesbraut. Mældur hraði var 116 km þar sem hámarkshraði er 90 km.

Þriðjudagurinn 15. apríl 2003.

Kl. 11:14 var tilkynnt um árekstur á Suðurgötu í Sandgerði. Annar ökumaðurinn og farþegi í annarri bifreiðinni kvörtuðu um eymsli í hálsi en ætluðu að leita læknis sjálf.
Kl. 12:07 var árekstur tveggja fólksbifreiða á gatnamótum Hringbrautar og Flugvallavegar. Ökumenn voru einir í bifreiðunum og kvartaði annar þeirra um eymsl í síðu og fyrir brjósti og var hann fluttur með sjúkrabifreið á H.S. Hann reyndist óbrotinn en var lagður inn til frekari eftirlits. Báðar bifreiðarnar voru mikið skemmdar og voru fluttar á brott með dráttarbifreið.
Kl. 13:30 var tilkynnt að ekið hafi verið á kyrrstæða og mannlausa bifreið á Tjarnargötu í Keflavík. Sá sem ók á hvarf á brott af vettvangi en vitni voru að árekstrinum og hafðist uppi á tjónvaldi. Skemmdir voru minniháttar.
Á kvöldvaktinni var einn ökumaður kærður fyrir hraðakstur á Grindavíkurvegi. Mældur hraði var 121 km þar sem hámarkshraði er 90 km.

Miðvikudagurinn 16. apríl 2003.

Kl. 21:01 var ökumaður kærður fyrir að aka bifreið með útrunnið ökuskírteini.
Kl. 21:33 var ökumaður kærður fyrir að aka skyndilega úr bifreiðastæði við Hafnargötu í Keflavík, svo að vældi í hjólbörðum bifreiðarinnar.
Kl. 21:51 var óskað aðstoðar lögreglu vegna rúðubrots í útidyrahurð í húsi í Keflavík. Gestkomandi hafði skellt hurðinni svona fast á eftir sér er hann yfirgaf húsið.
Kl. 22:30 var ökumaður kærður fyrir að nota ekki öryggisbelti við aksturinn.

Fimmtudagurinn 17. apríl 2003.

Kl. 01:38 var óskað eftir lögreglu að félagsheimilinu Stapa þar sem ölvuð kona var til vandræða.
Kl. 03:00 var óskað aðstoðar lögreglu að félagsheimilinu Stapa þar sem ölvaður maður hafði veist að dyravörðum. Hann fékk að gista fangageymslu lögreglunnar.
Kl. 09:27 var lögregla kvödd að Grindavíkurhöfn en sjómaður á smábát hafði slasast á fingri við veiðar skammt utan við Grindavík.
Kl. 22:50 var óskað eftir lögreglu að húsi í Keflavík, þar sem húsráðandi, gömul kona, varð vör við að einhverjir menn voru að reyna að opna hjá henni útihurð sem snýr út í garð. Þegar lögreglumenn komu á staðinn voru mennirnir farnir. Skemmdir urðu á gluggapósti. Ekki er vitað hverjir voru þarna að verki.
Á kvöldvaktinni kærði lögreglan fjóra ökumenn fyrir að aka of hratt. Sá sem hraðast ók var mældur á 131 km hraða þar sem hámarkshraði er leyfður 90 km.

Föstudagurinn langi 18. apríl 2003.

Kl. 00:52 barst kvörtun um röskun svefnfriðar til lögreglunnar, vegna hávaða frá fólki sem var að skemmta sér í heitum potti við heimahús í Keflavík. Lögreglumenn fóru og fengu fólkið til að hætta iðju sinni og komst þá ró á.