Ógnaði fólki með byssu í miðbænum

Sérsveit lögreglunnar var kölluð út vegna ölvaðs manns sem ógnaði fólki með byssu í miðbæ Keflavíkur aðfaranótt sunnudags. Kallað hafði verið til lögreglu eftir að maðurinn sem er að erlendu bergi brotinn hafði ógnað tveimur stúlkum við skemmtistaðinn Center um klukkan 6 um morguninn.

Byssan reyndist vera startbyssa sem gjarnan er notuð við upphaf kapphlaupa. Maðurinn var handtekinn og færður til yfirheyrslu.