Oddný býður sig ekki fram

Odd­ný G. Harðardótt­ir, odd­viti Sam­fylk­ing­ar­inn­ar í Suður­kjör­dæmi, ætl­ar ekki að sækj­ast eft­ir sæti á fram­boðslista flokks­ins í kjör­dæm­inu. Þessu grein­ir Odd­ný frá á Face­book.

„Kæru vinir.

Nú þegar boðað er til kosninga með stuttum fyrirvara er rétt að láta ykkur vita strax að ég mun ekki sækjast eftir sæti á framboðslista Samfylkingarinnar í Suðurkjördæmi. Þá ákvörðun hef ég melt með mér og fjölskyldu minni í nokkurn tíma og er nú ákveðin í að þetta verði mitt síðasta kjörtímabil á þingi.

Ég þakka þeim traustið sem hafa hvatt mig til að bjóða mig fram að nýju og þakka stuðning og samveru í pólítíkinni í bráðum 16 ár. En ég er ekki að kveðja alveg strax. Ég verð þingmaður fram að næstu kosningum.

Góðar stundir.“