Nýrri Sparkaupsverslun vel tekið

Sparkaup Sandgerði opnaði sl. laugardag nýja og glæsilega verslun við Miðnestorg 1 í Sandgerði. Verslunargólfið sjálf er 352 fermetrar sem er talsverð aukning frá rýminu í eldra húsnæðinu. Vegna þessa getur verslunin boðið breiðara vöruúrval og betri þjónustu. Í versluninni verður bakarofn og bakaðar verða um 20 tegundir af brauðum og kökum alla daga vikunnar. Afgreiðslutími verður meiri en áður var og verslunin opin frá kl. 9-21 virka daga, frá kl.10-21 á laugardögum og frá kl.12-19 á sunnudögum. Verslunarstjóri er Unnur Óskarsdóttir.


Húsið er 517m2 að grunnfleti og 2006 m3 að stærð. Það er stálgrindarhús reist á steinsteyptum sökkli. Húsið er klætt að utan með litaðri álklæðningu allir gluggar og hurðir eru úr lituðu áli sem gefur húsinu viðhaldsfrítt útlit.
Að innan eru veggir einagraðir með steinull og klæddir trefjagips en litað bárujárn í lofti. Gólf í verslun er dúkalagt með bónfríum dúk og á lager er viðhaldsfrítt epoxy gólf.


Byggingarsaga nýbyggingar Sparkaupa í Sandgerði
• KSK óskar eftir lóð hjá Sandgerðisbæ undir Sparkaupsverslun í bænum, og fær úthlutað lóð undir verslunina í nýjum væntanlegum miðbæjarkjarna, vor 1999.
• Haustið 1999 var Teiknistofan Örk ráðin sem aðalhönnuður og gerðar voru tillögur að verslun á lóðinni.
• Í nóvember var ráðinn til burðarþols- og lagna teikninga Tækniþjónusta SÁ, og til Raflagnateikninga var ráðinn Rafmiðstöðin.
• Í febrúar 2000 voru byggingarnefndar teikningar ásamt kostnaðaráætlun um jarðvinnu á tiltekinni lóð.
• Mars og apríl fóru að mestu í vangaveltur um aðra staðsetningu undir verslunina. Einkum vegna kostnaðar við jarðvinnu á lóð og einnig vegna ótta um að uppbygging á svæðinu myndi dragast á langinn.
• Í byrjun apríl 2000 var tekin afstaða um að byggja á úthlutaðri lóð og jafnframt að hraða málinu.
• í Apríl var unnið við jarðvinnu og lóðinn gerð klár undir byggingu. Verktaki Ellert Skúlason
• í apríl var boðinn út sökkull og botnplata, Hagtré í Sandgerði voru lægstir í þeim þætti og gengið var til samninga við þá
• Í lok maí var verkið boðið út, , ákveðið var að festa kaup stálgrindarhúsi frá Bykó Suðurnes.
• Bragi Guðmundsson og synir voru fengnir til að reisa bygginguna.
• Húsið kom til landsins um miðja október.
• Reisning hófst í nóvember og hefur vinna við húsið staðið síðan.
• Verslunin opnar Laugardaginn 24. Mars 2001

Hönnuðir:
Arkitektateikningar, útlit og smíðateikningar Teiknistofan Örk. Verslunarinnréttingar Sigríður Vinter. Burðaþol og lagnir Tækniþjónusta SÁ. Raflagnateikningar og lýsing Rafmiðstöðin.

Verktakar:
Jarðvinna Ellert Skúlason. Sökkull og potnplata Hagtré. Stálsmiðir Vélsmiðjan Tikk. Byggingarverktaki Bragi Guðmundsson. Rafverktaki Raftýran. Múrarar Nesmúr. Pípulögn SS Pípulagnir. Málarar Húsamálun ÓSA. Gólfefni Gólfhönnun og Teppaland, Þorgeir Valdimarsson dúklagningarmeistari sá um dúklagnir


Gjafir í tilefni dagsins:

Í tilefni þessara tímamóta færir verslunin :
Unglingadeildinni Von í Sandgerði kr. 150.000.- til styrktar starfseminni.
Körfuknattleiksdeild Reynis í Sandgerði kr. 150.000.- til styrktar starfseminni


Fyrsti viðskiptavinurinn í nýrri Sparkaupsverslun var Halldóra Hannesdóttir og fékk hún blómvönd í tilefni dagsins.