Nýjar Víkurfréttir komnar á vefinn

Í Víkurfréttum í þessari viku er kennir ýmissa grasa. Fjallað er um góðan árangur nemenda í Reykjanesbæ í Pisa-könnunum, mælingar á mengun úr Helguvík og uppgang í Vogum þar sem eftirspurn eftir húsnæði hefur aukist og íbúum fjölgað um 5,3 prósent á árinu. Þá er viðtal við Línu Rut og börn hennar Má Gunnarsson og Ísold Wilberg en þau fást öll við list í einhverri mynd. Söngkonan Eliza Newman flutti í Hafnir fyrir þremur árum og tók þá upp þá jólahefð að fara með pabba sínum til messu á jóladag. Körfuboltakonan Sara Lind Þrastardóttir segir frá lífinu í Danmörku þar sem hún spilar með Hørsholm 79ers. Þetta og margt fleira í Víkurfréttum dagsins.