Nýjar reglur um stöðuleyfi lausafjármuna í Suðurnesjabæ

Nýjar reglur um stöðuleyfi lausafjármuna í Suðurnesjabæ hafa tekið gildi en bæjarráð Suðurnesjabæjar samþykkti þær á fundi sínum þann 14. júlí.

Í tilkynningu á vef Suðurnesjabæjar er bent á að sækja þurfi um stöðuleyfi til byggingafulltrúa ef lausafjármunir standa lengur en tvo mánuði utan þeirra svæða sem eru sérstaklega skipulögð og ætluð til geymslu slíkra lausafjármuna.

Suðurnesjabær hvetur þá sem ekki hafa nú þegar gilt stöðuleyfi fyrir lausafjármuni í umsjá sinni, að sækja um innan þriggja mánaða frá gildistöku reglanna.