Nýir „bónfélagar“ í Keflavík

Föstudaginn 8. mars opnaði ný 300 fm. bónstöð á Básvegi 8 í Keflavík sem ber nafnið SG bón. Það eru félagarnir og sendibílastjórarnir Grétar Ólason og Þorsteinn Magnússon „fótboltagúrú“ sem eru eigendur stöðvarinnar og eru þeir mjög bartsýnir á þetta enda hafa viðtökurnar verið hreynt frábærar.
„Við opnuðum sl. föstudag og viðtökurnar voru vægast sagt frábærar. Það hefur verið rosalega mikið að gera og höfum við ekki komist heim til okkar síðan stöðin opnaði“ sögðu félagarnir.

En hvað eru þið að bóða uppá?
„Við erum að bjóða uppá alþrif á bílum og umhirðu þeirra. Við bjóðum upp á djúphreinsun, mössun og allt niður í einfaldan þvott eða skol. Við komum til með að vera með ný efni á bíla en þau eru þó ekki enn komin til landsins. Við munum því auglýsa það þegar að því kemur“.

En eru þið með einhverja nýung?
„Já við erum með skemmtilega nýjung fyrir bæði einstaklinga og fyrirtæki en það er svo kölluð áskrift. Áskriftin virkar þannig að fólk kemur í áskrift til okkar og velur hvað það vill t.d. alþrif einu sinni í mánuði eða það sem það vill. Við komum svo til með að hringja í fólk þegar að þrifunum kemur og síðan sækjum við bílinn þar sem hann er. Við bjóðum upp á allt í þessari áskrift og má nefna að við getum séð um allsherjar umhirðu á bílnum þar sem við setjum frítt rúðupiss á bílinn og skiptum um perur gegn vægu gjaldi“.

Hvernig efni eru þið með?
„Við reynum einfaldlega að vera með bestu efnin sem boðið er upp á hverju sinni“.

Í sambandi við fyrirtækin, sjáið þið um umhirðu fyrirtækjabíla líka?
„Já fyrirtæki eru velkomin til okkar og er komið talsvert af því. Við munum gera þeim tilboð í fyrirtækjaílanna“.

Að lokum, hvernig datt ykkur í hug að opna bónstöð?
„Við sátum eitt kvöldið heima og vorum að ræða um vinnuna og töluðum um að okkur langaði að breyta til. Þetta mál kom upp og því ákváðum við að slá til og láta verða að þessu. Við erum þó ekki hættir að keyra sendibílana“.
SG bón er „alltaf“ opið eins og þeir félagar orðuðu það en þeir sem vilja fá frekari upplýsingar geta hringt í síma: 892-9700.