Nýársnótt með rólegra móti

Gamlárskvöld og nýársnótt fóru vel fram að því er fram kemur í dagbók lögreglu.

Lögregla þurfti í tvígang að slökkva elda í brunnum skottertum sem búið var að stafla upp. Einnig þurfti lögregla að slökkva eld sem logaði í ruslagámi sem staðsettur er við verslun í Keflavík.

Um klukkan 02:00 handtók lögregla mann í Grindavík en hann var í ölvaður og í ójafnvægi, sveiflandi hníf á heimili sínu. Ekki kom til átaka þar sem maðurinn róaðist þegar lögreglu bar að. Maðurinn var vistaður í fagnageymslu þar til áfengisvíman rann af honum.

Samtals voru fjórir aðilar vistaðir í fangageymslu lögreglunnar vegna ölvunar og óláta.