Ný vararafstöð sett upp í Þorbirni

Tæknimenn frá Mílu voru á Þorbirni við Grindavík á dögunum þar sem þeir unnu að því að koma fyrir nýrri varanlegri vararafstöð í stað þeirrar eldri sem hafði verið dæmd ónýt. Í gosinu í sumar var farið með færanlega stöð á Þorbjörn, til að viðhalda rafmagnsöryggi meðan á gosinu stóð, en nú er komin varanleg stöð sem mun auka fjarskiptaöryggi á svæðinu enn frekar.

Þorbjörn er mjög mikilvægur fjarskiptastaður og sérstaklega nú þegar jarðhræringar eru orðnar árlegur viðburður á Reykjanesi eins og hefur verið síðustu ár. Það er því mjög mikilvægt að þar sé vararafstöð ef til rafmagnsleysis kemur á svæðinu, segir Míla á fésbókarsíðu sinni og birtir myndir frá uppsetningu varaaflstöðvarinnar.