Ný strætóskýli skemmd

Ný strætóskýli hafa verið sett upp á lífæðinni í Reykjanesbæ og á öðrum svæðum þar sem hægt er að koma því við.

Skýlin eru fengin af fyrrum varnarliðssvæði og leggja bæjaryfirvöld áherslu á að gera þau notaleg s.s. með lýsingu og góðu aðgengi.

Því miður hafa óprúttnir aðilar eyðilagt tvö skýli nú þegar og því beinir umhverfis- og skipulagssvið Reykjanesbæjar þeirri ósk til foreldra og forráðamanna að ræða  mikilvægi góðrar umgengni heimafyrir.

Vonandi kunna notendur strætó að meta nýju strætóskýlin og sýna góða umgengni.

Vefsíða Reykjanesbæjar