Ný gossprunga að opnast

Staðfest hefur verið að ný gossprunga hafi opnast á Fagradalsfjalli. Sprungan er á milli gíganna sem gusu fyrir. Nýjasta gossprungan virðist hafa opnast á þeim stað þar sem björgunarsveitarfólk tilkynnti um jarðsig síðustu nótt.

Hraun rennur ofan í Geldingadali úr nýjasta gosinu. Á vefmyndavél mbl.is má sjá hraunstrauminn rétt framan við myndavélina. Fyrst rann hraunið hægt en nú er kominn hraður hraunstraumur sem fossar ofan í dalinn.