Ný framkvæmdastjórn HSS

Nú um áramótin tók formlega til starfa ný framkvæmdastjórn við HSS.  Hana skipa: Sigríður Snæbjörnsdóttir, framkvæmdastjóri, Hildur Helgadóttir, hjúkrunarforstjóri,
Konráð Lúðvíksson, lækningaforstjóri og Pálína Reynisdóttir, fjármálastjóri. Frá þessu er greint á vef Heilbrigðisstofnunar Suðurnesja. Framkvæmdastjórn fundar vikulega.
Í lögum um heilbrigðisþjónustu segir m.a. um hlutverk framkvæmdastjórnar: „Á sjúkrahúsum og heilbrigðisstofnunum skal starfa framkvæmdastjórn undir yfirstjórn framkvæmdastjóra.  Auk hans skulu yfirlæknir (lækningaforstjóri) og hjúkrunarforstjóri skipa framkvæmdastjórn.  Heimilt er að fjölga fulltrúum í framkvæmdastjórn sé gert ráð fyrir því í skipuriti stofnunar.  Framkvæmdastjórn skal vera framkvæmdastjóra til ráðgjafar og skal hafa samráð við hana um allar mikilvægar ákvarðanir varðandi þjónustu og rekstur sjúkrahússins eða heilbrigðisstofnunarinnar.“