Ný Cleopatra 28 í Voga

Silfurströnd ehf. sem Magnús Ívar Guðbergsson veitir forstöðu festi fyrir stuttu kaup á nýjum bát frá Bátasmiðjunni Trefjum í Hafnarfirði.
Báturinn hefur hlotið nafnið Katrín GK 817 og verður gerður út frá Vogum á Vatnsleysuströnd. Báturinn er búinn til neta-, línu- og handfæraveiða og rýmir 12 kör í lest. Báturinn er 5,9 brúttótonn að stærð og er gerður út í aflamarkskerfinu. Um borð í bátnum er svefnpláss fyrir tvo í lúkar auk eldunaraðstöðu með eldavél, örbylgjuofni og ísskáp.