Norðaustan 13-18 m/s - lægir í nótt

Í morgun kl. 06 var norðaustlæg átt, víða 13-18 m/s. Rigning suðaustan- og austanlands, snjókoma norðantil á Vestfjörðum, annars þurrt að mestu. Hiti var 0 til 5 stig.

Viðvörun
Búist er við stormi á Suðvesturmiðum, Faxaflóamiðum, Breiðafjarðarmiðum, Vestfjarðamiðum, Norðvesturmiðum, Suðausturmiðum, Vesturdjúpi, Grænlandssundi, Norðurdjúpi, Austurdjúpi, Færeyjardjúpi og Suðausturdjúpi

Veðurhorfur á landinu ásamt viðvörun
Veðurhorfur til kl. 18 á morgun: Viðvörun: Búist er við stormi norðvestantil á landinu og einnig suðaustanlands. Norðaustanátt, víða 13-18 m/s, en allt að 25 m/s norðvestantil og undir Vatnajökli. Suðaustan 8-15 austanlands í kvöld. Norðaustan 8-15 í fyrramálið, en 18-23 á Vestfjörðum seint á morgun. Rigning eða slydda með köflum norðan- og austanlands, en úrkomulítið suðvestantil. Hiti 0 til 6 stig að deginum, hlýjast syðst.

Veðurhorfur við Faxaflóa næsta sólarhringinn:
Norðaustan 13-18 m/s, en allt að 25 m/s á sunnanverðu Snæfellsnesi. Skýjað en úrkomulítið. Lægir víða í nótt. Austan og norðaustan 5-10 á morgun. Hiti 0 til 6 stig.