Nokkuð bjart veður í dag

Klukkan 6 voru suðaustan 5-10 m/s við norðausturströndina, en annars hægari suðlæg eða breytileg átt. Víða bjartviðri norðanlands og vestan, en súld eða þokumóða sunnan- og austantil. Hiti 8 til 15 stig, hlýjast á Flateyri.

Suðaustlæg eða breytileg átt, 3-8 m/s, en suðaustan 8-13 við suðurströndina í nótt. Skýjað með köflum og þokumóða eða skúrir um landið sunnanvert. Bjart veður víða norðanlands, en líkur á síðdegisskúrum, einkum norðvestantil. Austlæg átt á morgun, 5-13 m/s. Dálítil væta sunnan- og suðaustantil, en annars skýjað með köflum og þurrt. Hiti 9 til 19 stig, hlýjast norðantil.