Nokkrir stöðvaðir fyrir hraðakstur um helgina

Á laugardag voru átta ökumenn teknir fyrir of hraðan akstur á Reykjanesbraut. Sá sem hraðast ók var stöðvaður á 128 km hraða þar sem hámarkshraði er 90 km. Þá var einn ökumaður stöðvaður á Reykjanesbraut fyrir að aka á 125 km hraða þar sem leyfður hraði er 70 km.  
Í gær hafði lögreglan afskipti af tólf ökumönnum vegna umferðarlagabrota. Þrír voru ekki með öryggisbelti spennt, einn var að tala í farsíma án þess að nota handfrjálsan búnað. Átta voru stöðvaðir vegna hraðaksturs. Sá sem hraðast ók mældist á 122 km hraða á Grindavíkurvegi þar sem hámarkshraði er 90 km.