Níu umferðaróhöpp á Suðurnesjum

Níu umferðaróhöpp hafa verið skráð í umdæmi lögreglunnar á Suðurnesjum það sem af er vikunni.
 
Í gærkvöld varð aftanákeyrsla í Njarðvík með þeim afleiðingum að ökumaður annarar bifreiðarinnar steig óvart á bensíngjöfina og hafnaði bifreið hans á tveimur kyrrstæðum bifreiðum í bifreiðastæði.
 
Í tveimur óhöppum til viðbótar lentu strætisvagnar og bifreiðir saman.
 
Talsvert tjón varð í  óhöppunum en engin alvarleg meiðsl á fólki.
 
Þá voru fáeinir ökumenn kærðir fyrir hraðakstur og meintan vímuefnaakstur.
 
 

Hefur þú séð Suðurnesjamagasín í þessari viku?