„Neyðarfundur um Guðrúnu“

Sýslumaðurinn á Lófóten, Alf Ivar Samuelsen, hefur boðað fylkisstjórnina, Lófótráðið og strandgæsluna til fundar í næstu viku til að ræða björgun fjölveiðiskipsins Guðrúnar Gísladóttur. Tók hann þá ákvörðun í gær í framhaldi af fundi með björgunarfélaginu Seløy Undervannsservice sem átt hefur í erfiðleikum með að fá greiðslur fyrir verkið frá Íshúsi Njarðvíkur.Frá þessu segir á fréttavef Loftoposten á Netinu í dag undir fyrirsögninni „Neyðarfundur um Guðrún". Þar er haft eftir Samuelsen að hugsanlega hætti Seløy Undervannsservice störfum í næstu viku í Nappstraumen, en þar liggur skipið á hafsbotni.

„Guðrún Gísladóttir er að verða skólabókardæmi um það hvernig strandhéröðin hafa engin ráð með að fá fjarlægð skip sem stranda eða sökkva og umhverfinu stendur ógn af," segir Samuelsen við Lofotposen.

Fram kemur í fréttinni að héraðsstjórinn í Vestvågøy, Guri Ingebrigtsen, bíður staðfestingar á viðbrögðum Seløy Undervannservice áður en hún fyrir hönd Lófótráðsins boðar fylkisstjórnina og strandgæsluna til fundar um málið. „Við erum búin að fá nóg af frestunum og óvissu. Sveitarstjórnin í Vestvågøy vill að skipið verði komið á flot fyrir veturinn," segir Ingibrigtsen.

Að lokum segir í fréttinni, að ekki hafi reynst unnt að fá samtal við Thorbjørn Hansen, skipstjóra og forsvarsmann björgunarfélagsins.
Frétt af mbl.is!

Mynd: Guðrún Gísladóttir í öllu sínu veldi