Neitaði sýnatöku og sviptur
- annars heldur tíðindalítil og góð helgi hjá lögreglunni á Suðurnesjum.
Nýliðin helgi var tíðindalítil og góð í umdæmi lögreglunnar á Suðurnesjum. Þó var einn ökumaður sviptur ökuréttindum tímabundið, því hann var grunaður um akstur undir áhrifum fíkniefna, en neitaði að gefa þvagsýni á lögreglustöð.
Annar ökumaður var kærður fyrir að aka gegn rauðu ljósi og skráningarnúmer voru fjarlægð af óskoðaðri bifreið.
Loks var reynt að brjótast inn í fyrirtæki í umdæminu, þar sem þurrkaður er þari, og komast þar að tölvubúnaði. Ekki tókst þeim sem þar var, eða voru, á ferðinni ætlunarverk sitt, en húsnæðið bar ummerki um óæskilega „heimsókn“.
