Neitaði að borga 5000 - gert að greiða 85.000

48 ára gamall maður var dæmdur í héraðsdómi Reykjanes til að greiða 5000 króna sekt og 80.000 króna sakarkostnað. Málsatvik voru þannig að mánudaginn 12. júlí 2004 voru lögreglumenn við umferðareftirlit á Reykjanesbrautinni. Bifreið sem ákærði var í, var fyrir aftan lögreglubílinn og var bifreiðinni ekið of nálægt lögreglubifreiðinni og sögðust lögreglumenn ekki hafa séð framljós bifreiðarinnar í baksýnisspeglum á löngum kafla. Miðað við mælingar lögreglunnar reyndist bilið vera um þrír metrar. Ákærði brást ókvæða við og taldi bilið vera meira og að hann hafi verið að bíða færis á að taka framúr við góðar aðstæður. Lögreglubifreiðinni var ekið á 86 km. hraða samkvæmt ratsjá lögreglubifreiðinnar. Í ákæru var talið háttsemi ákærða varða við 3. mgr. 14. gr. umferðalaga nr. 50/1987.

Ákærði taldi að bilið hafi verið meira en 3 metrar og kvaðst hann ekki geta dregið úr hraðanum og breikkað bilið þar sem næstu bifreið fyrir aftan bifreið hans hafi verið ekið mjög nálægt honum.