Náttúrustofuþing 2009 haldið í Sandgerði
Þann 8. október næstkomandi munu Samtök Náttúrustofa á Íslandi (SNS) standa fyrir náttúrustofuþingi. Þetta er í fimmta skipti sem slíkt þing er haldið í tengslum við ársfund félagsins.
Að þessu sinni sér Náttúrustofa Reykjanes í Sandgerði um undirbúning þingsins og verður það haldið í Samkomuhúsinu í Sandgerði. Dagskráin hefst klukkan 09:30 með ávarpi umhverfisráðherra og stendur til 17:00
Þingið er öllum opið, bæði á allt þingið eða einstaka fyrirlestra.
Nánari dagskrá er hægt að nálgast á vef Náttúrustofu Reykjaness hér
---
Ljósmynd/Ellert Grétarsson.
