Náttúrusögur í Suðsuðvestur

Olga Bergmann opnar sýninguna Náttúrusögur í sýningarrýminu Suðsuðvestur Hafnargötu 22 Reykjanesbæ laugardaginn 9. Júlí klukkan 15:00.

Olga hefur undanfarið unnið úr hugmyndum um fútúristaskar þróunarkenningar sem byggja á möguleikum erfðavísindanna en einnig skoðað hvernig náttúrugripasöfn til dæmis stilla sýningargripum sínum fram í sviðsettu umhverfi sem hermir eftir náttúrunni.

Á sýningunni í Suðsuðvestur eru ný verk unnin á þessu ári- hvít dýr í náttúrulegu umhverfi, steingervingar og stutt náttúrulífsmynd.