Myrkur í Svölutjörn
Ljósastaurar við Svölutjörn í Innri-Njarðvík eru ekki enn komnir í gagnið þrátt fyrir að íbúar í götunni hafi búið þar um hríð. Íbúi við Svölutjörn hafði samband við Víkurfréttir og lýsti áhyggjum sínum vegna þessa og taldi ljósleysið í götunni skapa mikla slysahættu nú þegar haustið færist yfir.
Íbúinn við Svölutjörn sagði í samtali við Víkurfréttir að Hitaveita Suðurnesja hefði ekki enn fundið hvað olli ljósleysinu en að staurarnir séu þegar komnir upp og nokkur umferð sé í götunni.
Ekki hefur náðst í Trausta Ólafsson, svæðisstjóra rafmagnssviðs á Suðurnesjum hjá Hitaveitu Suðurnesja, þrátt fyrir ítrekaðar tilraunir.
VF-mynd/ Ellert Grétarsson - Frá Innri-Njarðvík
